5 қазан Жұбан Молдағалиевтың туған күніне орай ақынның мүсін-ескерткішіне гүл шоғын қою рәсімі

Қазақстан Жазушылар Одағының мүшесі, Мемлекеттік сыйлықтың иегері, ақын Жұбан Молдағалиевтың туған күні. Осыған орай мектебімізде жыл сайын дәстүрлі түрде орындалатын шаралар, мүсін-ескерткішке гүл шоғын қою рәсімі биыл да ұйымдастырылды.
Халықтың рухани бай, әдеби мұрасынан күш – қуат алған Жұбан қазақ әдебиетіне, қазақ поэзиясына шалқар шабытпен, қаламдас достарының ішінен ерекше өз үнімен оқшау келген дара тұлға. Ұйымдастырылған атаулы шарада мектеп шәкірттері ақынның туған жерге арналған жырларын және өздерінің де арнау өлеңдерін нақышына келтіріп оқыды. Сондай-ақ Ж. Молдағалиевтың "Еділ мен Жайық", "Мен қазақпын" әндерінің орындалуы көңілге ерекше серпін берді.
Бүкіл саналы өмірінде елінің болашағын жырлап өткен, халқына деген махаббатын тек поэзияда ғана емес, өмірде де, күресте де үлкен азаматтықпен қорғай білген, алты алаштың ардақтысы ақиық ақынымыздың рухы мәңгі асқақтай берсін!