"Тәрбие көзі - салт дәстүр" атты көріністер сайысы ұйымдастырылды.

Наурыз мейрамы аясында ұлттық мәдениетті насихаттау, оқушылар арасында салт-дәстүрлерімізді таныстыру және ұлттық тәрбиеге деген құрметті арттыру мақсатында "Тәрбие көзі - салт дәстүр" атты көріністер сайысы ұйымдастырылды. Іс-шараның басты мақсаты – оқушыларды ұлттық құндылықтарға баулу, салт-дәстүрлерімізді терең түсініп, олардың мән-маңызын жеткізу арқылы тәрбиелеу. Қатысушылар өз өнерлерін ортаға салып, көріністер арқылы қазақ халқының салт-дәстүрлерін, әдет-ғұрыптарын бейнеледі. Әр команда өздерінің шығармашылық қабілеттерін көрсетіп, ұлттық мәдениетке қатысты дәстүрлерді сахналық қойылымдарда көрсетуге тырысты.